Með nýkeyptu málmleitartæki gerði norskur áhugafornleifafræðingur magnaða uppgötvun. Hann keypti málmleitartæknið eftir að læknirinn hans ráðlagði honum að hreyfa sig meira. Og það borgaði sig sannarlega því hann fann níu gullmedalíur, perlur og þrjá gullhringi. Allt er þetta frá sjöttu öld.

Það var á akri nærri Stavanger sem maðurinn, Erlend Bore, fann þessa merku muni í ágúst. „Í fyrstu hélt ég að þetta væru súkkulaðimedalíur,“ sagði hann og bætti við að þetta hafi verið algjörlega óraunveruleg upplifun.

Fornleifafræðingar segja að medalíurnar geri fundinn algjörlega einstakan. Ástæðan er hönnun þeirra en á henni sjást hestar úr norrænni goðafræði.

Ole Madsen, safnstjóri fornleifasafnsins í Stavanger, sparaði ekki stóru orðin og sagði þetta gullfund aldarinnar í Noregi.