„Við höfum búið hérna í 35 ár og aldrei lent í neinu slíku áður. Þetta er mjög óþægilegt,“ segir kona sem býr með fjölskyldu sinni í Litla-Skerjafirði í Reykjavík.
Reynt var að brjótast inn til fjölskyldunnar rétt fyrir kl. 4 í nótt. „Við vöknuðum við hávaða og þeir hlupu í burtu þegar maðurinn minn fór fram. Þeir voru búnir að brjóta húninn af svalahurðinni og stela gaskútnum, hefðu sennilega komist inn ef við hefðum ekki verið heima. Eins gott að vera á varðbergi,“ segir konan en hún varar nágranna sína við í tilkynningu sem hún birti í íbúahópi á Facebook.
Í samtali við DV segist hún hafa tilkynnt málið til lögreglu en veit ekki um stöðu þess þar.
