Þennan stuðning má sjá í litlum framlögum einstaklinga í kosningasjóð Biden. Á öðrum ársfjórðungi söfnuðust 72 milljónir dala í kosningasjóð Biden. Það sem vekur einna mesta athygli í þessu samhengi er að 97% af peningunum komu með framlögum undir 200 dollurum.
Á sama tíma söfnuðust 35 milljónir í kosningasjóð Donald Trump og 20 milljónir í kosningasjóð Ron DeSantis.
Mette Nøhr Claushøj, sérfræðingur í bandarískum málefnum og lektor í bandarískum stjórnmálum við Kaupmannahafnarháskóla, sagði í samtali við Jótlandspóstinn að þessi upphæð segi ákveðna sögu.
„Það er athyglisvert hversu miklu Joe Biden hefur tekist að safna. Það átti eiginlega enginn von á þessu. Út frá bandarískum sjónarhóli er það mjög góðs viti að svo mikið af peningunum komi frá litlum framlögum. Það þýðir að mjög margt venjulegt fólk vill sjá hann endurkjörinn,“ sagði hún.
