Björg Ingadóttir fatahönnuður og eigandi Spaksmannsspjara hefur sett íbúð sína á Háaleitisbraut á sölu. Eignin er 142,6 fm íbúð á 4. hæð í blokk sem byggð var 1964.
Íbúðin skiptist í hol, eldhús, borðstofu og stofu, herbergi inn af stofu sem er notað sem sjónvarpsherbergi, þrjú svefnherbergi og baðherbergi. Tvennar svalir, þar af önnur 6,8 fm lokuð sólstofa, sér geymsla í kjallara og ,bílskúrsréttur fylgir.
Björg endurhannaði íbúðina árið 2007 með tilliti til nýtingu rýmis. Skápapláss er þrisvar sinnum meira en frá uppruna, án þess að gólfnýting raskist. Öll gólf hafa verið múrflotuð í íbúð og lagt í hitakerfi í með varmaskipti. Íbúðin er einstaklega glæsileg útsýnisíbúð.
Nánari upplýsingar um eignina má sjá hér.