Klamydía hefur herjað á ástralska kóalabirni síðustu áratugi. Þetta afbrigði er náskylt klamýdíu sem herjar á mannkynið.
Live Science segir að hjá kóalabjörnum valdi klamýdían iðravandræðum, þvagfærasýkingu og augnslímhúðarbólgu sem leiðir til blindu. Blindur og veikur kóalabjörn getur ekki klifrað upp í tré eða sloppið undan rándýrum og getur þar með drepist.
Klamýdían getur einnig valdið ófrjósemi hjá kvendýrum því hún myndar stórar blöðrur á eggjastokkunum. Þetta hefur lækkað fæðingartíðnina hjá kóalabjörnum mjög mikið.
Fyrir þremur árum var byrjað að gera tilraunir með að bólusetja kóalabirni, sem var haldið föngnum eða var bjargað, bóluefni gegn klamýdíu. En virkni bóluefnisins á dýr, sem eru úti í náttúrunni, hefur ekki verið prófað fyrr en nú.
Nú eru vísindamenn að fanga og bólusetja villta kóalabirni í New South Wales. Hlutfall sýktra dýra í ríkinu er nú komið í um 80% að mati vísindamanna en var 10% 2008. Kóalabirnir voru því settir á skrá yfir dýr í útrýmingarhættu snemma á síðasta ári.