New Scientist skýrir frá þessu. Fram kemur að á síðustu sjö árum hafi 50 sólarknúnir loftbelgir verið sendir upp í heiðloftin þar sem þeir geta svifið um klukkustundum saman og tekið upp hljóð.
„Þegar við byrjuðum að senda loftbelgi upp fyrir nokkrum árum vissum við ekki almennilega hvað við myndum heyra,“ sagði Daniel Bowmann, hjá Sandra National Laboratories í Nýju Mexíkó í samtali við New Scientist.
„Nú höfum við lært að aðskilja hljóð frá sprengingum, loftsteinahrapi, flugvélum, þrumuveðri og borgum. En við uppgötvum ný hljóð í nánast hvert sinn sem við sendum loftbelg upp,“ sagði hann.
Hljóðin, sem hafa verið tekin upp, sýna að hljóðin í heiðhvolfinu eru allt öðruvísi en í lægri loftlögum.
