fbpx
Þriðjudagur 30.apríl 2024
Pressan

Gamalreyndur starfsmaður rekinn vegna mikillar svitalyktar

Pressan
Fimmtudaginn 30. mars 2023 04:10

Mynd:Wikimedia Commons

Ekki missa af Helstu tíðindum dagsins í pósthólfið þitt

Lesa nánar

Sú vanlíðan, sem svitalykt frá karlmanni, einum olli samstarfsfólki hans varð til þess að hann fékk aðvörun frá yfirmönnum og var síðan rekinn úr starfi. En nú hefur úrskurðarnefnd úrskurðað uppsögnina ólögmæta og dæmt manninum bætur.

Maðurinn starfaði í bakaríi Kohberg Jótlandi í Danmörku og hafði gert í 12 ár þegar honum var sagt upp störfum. Hann vann aðallega á nóttunni. Flestar kvartanirnar yfir svitalyktinni bárust frá samstarfsfólki hans og yfirmanni á sumrin og lýsti fólkið því sem svo að lyktin „væri mjög truflandi“.

Í úrskurði sérstakrar úrskurðarnefndar, sem fjallar um mál er varða uppsagnir starfsfólks, kemur fram að Kohberg skuli greiða honum sem nemur um 1,7 milljónum íslenskra króna í bætur fyrir ólögmæta uppsögn.

Maðurinn hafði unnið árum saman sem afleysingamaður og á næturvöktum þegar hann hóf störf í nýrri deild bakarísins haustið 2021. Þá starfaði hann nær öðru fólki en áður og þá hófust vandamálin.

Samstarfsfólk hans kvartaði við yfirmann hans undan svitalyktinni og fékk hann þá munnlega áminningu. Í febrúar 2022 fékk hann skriflega aðvörun þar sem yfirmaður hans sagðist neyðast til að senda hann heim vegna slæms þrifnaðar/sterkrar svitalyktar sem ylli samstarfsfólki hans óþægindum.

Í bréfinu kom fram að þegar hann myndi mæta í vinnu næsta dag og framvegis ætti hann að vera búinn að ráða bót á þessu, að öðrum kosti gæti það haft afleiðingar á ráðningarsamning hans.

Þegar heitir sumarmánuðir skullu á kvartaði samstarfsfólkið aftur og í ágúst 2022 var maðurinn rekinn úr starfi.

Maðurinn sagði úrskurðarnefndinni að hann hefði reynt að viðhafa gott hreinlæti og forðast svitalykt með því að fara í bað fyrir hverja vakt og í hrein föt.

Í úrskurði nefndarinnar kemur fram að Kohberg hafi ekki vísað í eigin hreinlætisreglur í uppsagnarbréfinu eða aðvörunarbréfinu. Sjónunum hafi verið beint að kvörtunum vinnufélaga yfir mikilli svitalykt. TV2 hefur eftir Ann-Louise Holten, sérfræðingi í vinnustaðasálfræði við Kaupmannahafnarháskóla, að þarna liggi línan sem úrskurðarnefndin beini sjónum sínum að. Skilin á milli einkalífs og vinnustaðarins. Ef Kohberg hefði lagt áherslu á að svitalyktin hefði áhrif á framleiðsluna hefði kannski verið auðveldara að réttlæta uppsögnina  því þá væri tenging við hreinlætiskröfur og afurðina. En þarna hafi fyrirtækið réttlætt uppsögnina með hvað samstarfsfólki fannst um eitthvað sem flestum finnst vera einkamál.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Marsþyrla NASA er með „lokagjöf“ handa mannkyninu – En það er einn hængur á

Marsþyrla NASA er með „lokagjöf“ handa mannkyninu – En það er einn hængur á
Pressan
Fyrir 3 dögum

Segja að næsti heimsfaraldur verði væntanlega af völdum flensuveiru

Segja að næsti heimsfaraldur verði væntanlega af völdum flensuveiru
Pressan
Fyrir 3 dögum

Kennedy-fjölskyldan tekur skýra afstöðu gegn umdeildum fjölskyldumeðlimi

Kennedy-fjölskyldan tekur skýra afstöðu gegn umdeildum fjölskyldumeðlimi
Pressan
Fyrir 4 dögum

Keypti sjö líftryggingar fyrir eiginkonuna og svo dó hún á dularfullan hátt

Keypti sjö líftryggingar fyrir eiginkonuna og svo dó hún á dularfullan hátt
Pressan
Fyrir 6 dögum

Lögreglan skýrir frá óhugnanlegum upplýsingum varðandi morð

Lögreglan skýrir frá óhugnanlegum upplýsingum varðandi morð
Pressan
Fyrir 6 dögum

Nokkur ráð til að losna undan símafíkninni

Nokkur ráð til að losna undan símafíkninni