Catholic Laity and Clergy, sem er íhaldssamur hópur Kaþólikka í Colorado í Bandaríkjunum, eyddi 4 milljónum dollara í að afla gagna um presta sem notuð stefnumótaöpp fyrir samkynhneigða og aðra álíka möguleika til að komast í samband við samkynhneigða karla. Þessum gögnum kom hópurinn síðan í hendur biskupa um allt landið.

The Washington Post skýrir frá þessu. Samkvæmt skattskýrslum, sem blaðið komst yfir, þá var markmiðið með þessu verkefni að „hjálpa kirkjunni að ná markmiðum sínum“ og veita biskupum upplýsingar sem geta hjálpað þeim til að greina veikleika í þjálfun presta.

Óljóst er hvaða áhrif þetta mun hafa á presta. Heimildarmaður sagði að upplýsingarnar geti hugsanlega orðið til þess að presta fái ekki stöðuhækkun eða verði neyddir til að fara fyrr á eftirlaun en þeir vilja.