Kristín og Stefán opinberuðu samband sitt í júní í fyrra og hafa síðan þá verið iðin við að játa ást sína á hvort öðru á samfélagsmiðlum. Þau trúlofuðust í desember.
Stefán átti afmæli á laugardaginn og birti Kristín í tilefni dagsins fallega færslu á Instagram. Hún birti skemmtilegt myndband af samveru þeirra í gegnum tíðina og skrifaði með:
„Öll góðu lýsingarorðin eiga við hann Stefán. Hann er svo margt og allskonar, góður alveg í gegn, alltaf til í að hjálpa, endalaust brallandi og er ALLTAF að breyta til heima sem mér finnst ógeðslega fyndið.
Það er svo augljóst hvað hann er góð manneskja af því hvað hann á marga góða vini úr öllum áttum. Þegar við hittum fólk þá er nánast alltaf einhver sem gefur sig á tal við mig og segir mér hvernig Stefán reyndist þeim vel á erfiðum tímum eða tók viðkomandi inn í hópinn þegar þeim leið utangarðs.
Hann er einmitt þannig, kærleiksríkur með risastórt hjarta, til staðar fyrir fólkið sitt, besti pabbi í heiminum og besti maki sem hugsast getur. Hann veitir mér innblástur að vera betri manneskja og ég hef séð hvernig ein manneskja getur breytt heiminum með góðmennsku sinni og kærleika.
Til hamingju með daginn brallrebbinn minn ég elska þig aðeins meira alla daga.“
View this post on Instagram
