Á vef ScienceAlert kemur fram að niðurstöður rannsóknarinnar bendi til að bifhárin á ákveðnum hluta heilans gegni hlutverki í tengslum við tímaskynjun okkar og skammtímaminni.
Bifhár eru vel þekkt annars staðar á líkamanum þar sem vitað er að þau hafa hlutverki að gegna við að flytja frumur úr stað og sem einhverskonar miðstöð fyrir þau boð sem líkaminn sendir.
En það er enn margt óljóst um hlutverk bifháranna á heilanum og hvað hlutverki þau gegna varðandi vitsmuni okkar og vitræna starfsemi hans.
Það er væntanlega þessi skortur á vitneskju okkar um hlutverk bifháranna sem varð til þess að vísindamenn við University of California Irvine ákváðu að rannsaka bifhárin á þeim hluta heilans sem heitir corpus striatum. Meðal margra verkefna þessa hluta heilans er að sjá um að vera „klukka“ hans.
Þessi hluti heilans tekur við þegar við erum að skipuleggja eitthvað, þurfum að einbeita okkur eða læra nýja hluti. Hann stýrir einnig hreyfingum okkar og ákvarðanatöku.
Svo virðist sem bifhárin gegni mikilvægu hlutverki í mörgum þessara verkefna.
Þessu komust vísindamennirnir að með tilraunum á músum. Þeir breyttu genum þeirra þannig að þeir fjarlægðu bifhárin frá corpus striatum hluta heilans.
Þetta hafði ekki áhrif á langtímaminni músanna né það sem þær höfðu lært áður en þær misstu hæfileikann til að læra nýjar hreyfingar en þær endurtóku ýmsar hreyfingar oftar.
Þær misstu getuna til að muna staðsetningar og áttir og áttu erfiðara með að sortera óþarfa áreiti, í umhverfinu, frá. Þær gátu heldur ekki brugðist hratt við nýju áreiti.
Það er ekki alltaf hægt að yfirfæra niðurstöður tilrauna á dýrum yfir á fólk en vísindamennirnir telja að í þessu tilfelli gildi niðurstöðurnar einnig um mannsheilann. Frekari rannsóknir munu leiða í ljós hvort það er rétt.
