Sláandi myndband hér að neðan sýnir augnablikið sem bandarísk móðir fann falda myndavél í sturtu sextán ára dóttur sinnar. Myndavélin var falin í ljósi fyrir ofan sturtuna.

„Þegar þú hefur verið með karlmanni í fjórtán ár og þú kemst að því að hann hefur verið að horfa á sextán ára dóttur þína í sturtu,“ skrifar hún með myndbandinu.

@newmommyof3 ♬ original sound – Newmommyof3 $newmommyof32022

Myndbandið hefur fengið yfir 74,4 milljónir áhorfa á TikTok nokkrum dögum og hefur hún síðan þá uppfært málið á miðlinum.

Lögreglan var kölluð strax á staðinn og er rannsóknarlögreglan að skoða málið.

„Ég hringdi á lögregluna um leið og ég fann myndavélina,“ sagði hún og bætti við að hún ætli að kæra eiginmann sinn.

Augnablikið sem hún fann myndavélina

Í öðru myndbandi útskýrði hún hvernig hún fann myndavélina.

„Baðherbergið þar sem ég fer í sturtu er með rennihurð. Tveggja ára barnið mitt kemst út af þessu baðherbergi og krakkarnir mínir voru í skólanum. Ég var sveitt og vildi fara í sturtu, þannig ég fór á baðherbergi dóttur minnar [svo tveggja ára sonur minn kæmist ekki út],“ sagði hún.

„Eiginmaður minn er iðnaðarmaður og var nýlega búinn að taka baðherbergið í gegn fyrir tveimur mánuðum, hann var ekki alveg búinn. En ljósið virkaði áður en hann tók baðherbergið í gegn en það virkaði ekki þegar ég fór í sturtu. Þannig ég ætlaði að skipta um ljósaperu og var að athuga hvernig ljósaperu ég þurfti að ná í,“ segir hún. Það var þá sem hún tók eftir myndavélinni.

Framtíðin er óljós

Konan sagði að þau hafa búið í þessu húsi síðan í október 2012 þannig það getur ekki verið að myndavélin sé eftir fyrri eigendur.

Eiginmaðurinn hefur ekki haft samband við þær. „En rannsóknarlögreglumennirnir sem sjá um málið bönnuðu honum það,“ sagði hún.

Aðspurð hvernig dóttir hennar hefur það sagði hún að „miðað við aðstæður er hún ágæt“ og bætti við að fjölskyldan ætlar aldrei aftur í húsið nema til að flytja eigur sínar að lögreglumönnum viðstöddum.

„Framtíðin er óljós en ég mun alltaf vera til staðar fyrir dóttur mína […] Við munum einnig fá faglega aðstoð til að vinna úr þessu,“ sagði hún og þakkaði netverjum fyrir stuðninginn.