Franskir vísindamenn skýrðu nýlega frá þessu. Þeir segja að ef þetta hafi verið svona þá hafi þessi einföldu lífsform haft svo mikil áhrif á andrúmsloftið og breytt því svo mikið að úr varð ísöld sem hafi gert út af við þær.
The Guardian segir að rannsókn vísindamannanna dragi upp dökka mynd af hvernig fer fyrir lífi í alheiminum. „Líf, jafnvel einfalt líf eins og örverur getur sjálft valdið eigin dauða,“ sagði Boris Sautery, aðalhöfundur rannsóknarinnar.
Hann sagði niðurstöðurnar svolítið dökkar en um leið telji hann þær uppörvandi. Þær skori á okkur að hugsa upp á nýtt hvernig tengsl plánetu og lífhvolfs hennar eru. Rannsóknin hefur verið birt í Nature Astronomy.
Sauterey og samstarfsfólk hans notuðu líkön af loftslagi og yfirborði Mars til að leggja mat á lífsskilyrðin á plánetunni fyrir 4 milljörðum ára en þá er talið að fljótandi vatn hafi verið á yfirborðinu og umhverfið mun lífvænlegra en það er í dag.
