Lögreglan á höfuðborgarsvæðinu handtók tvo aðila í gær vegna brota á vopnalögum. Annar hinna handteknu ætlaði að selja hinum loftriffil en kaupandinn hafði ekki í hyggju að greiða fyrir hann og reyndi fá riffilinn án þess að greiða fyrir hann og beitti rafbyssu gegn seljandanum.

Báðir voru kærðir fyrir brot á vopnalögum og fyrir að beita hvorn annan ofbeldi eða hafa í hótunum um ofbeldi. Báðir voru látnir lausir að skýrslutöku lokinni. Hald var lagt á loftriffilinn og rafbyssuna.

Tilkynnt var um innbrot og skemmdarverk í vesturhluta höfuðborgarinnar. Lögreglan veit hverjir voru að verki.

Tilkynnt var um þjófnað á rafhlaupahjóli.

Einn ökumaður var handtekinn, grunaður um að vera undir áhrifum fíkniefna og sviptur ökuréttindum.