Móðir í borginni Lakhimpur í Indlandi er sögð hafa skorið kynfærin af kærastanum sínum með eldhúshníf. Móðirin á að hafa gripið í hnífinn eftir að hún kom að kærastanum sínum þar sem hann var við það að nauðga 14 ára dóttur hennar. Hún segist hafa viljað „kenna honum lexíu“ með því að beita hnífnum á kynfærin hans.

Samkvæmt indverskum fjölmiðlum þá hefur móðirin átt verið í sambandi með manninum sem um ræðir undanfarin tvö ár en þá skildi hún og eiginmaður hennar. Móðirin segir í samtali við fjölmiðla að hún hafi verið að verja dóttur sína frá árás kærastans og að hún sjái ekki eftir neinu.

„Sem betur fer kom ég heim í tæka tíð og greip hann glóðvolgan. Svo ég náði í hníf úr eldhúsinu og skar kynfærin af honum til að kenna honum lexíu. Ég sé ekki eftir neinu,“ er haft eftir móðurinni.

Samkvæmt lögregluþjóni á lögreglustöðinni í Lakhimpur þá var kærastinn síðar handtekinn fyrir nauðgun. Þá kemur einnig fram í máli lögregluþjónsins að maðurinn sé í lífshættulegu ástandi og að hann gæti þurft á frekari meðferð að halda á því svæði sem móðirin réðst á með hnífnum.

Óvíst er hvort móðirin verði sótt til saka fyrir verknaðinn.