Karlmaður á fertugsaldri hefur verið úrskurðaður í tveggja vikna gæsluvarðhald vegna gruns um að hann hafi brotið gegn tveimur konum um verslunarmannahelgina, í tveimur aðskildum málum. Þetta kemur  fram í tilkynningu frá Lögreglunni á höfuðborgarsvæðinu. Maðurinn hefur kært gæsluvarðhaldsúrskurðinn til Landsdóms en tilkynning lögreglu um málið er svohljóðandi:

„Karlmaður á fertugsaldri var í fyrradag í  Héraðsdómi Reykjavíkur úrskurðaður í tveggja vikna gæsluvarðhald að kröfu Lögreglunnar á höfuðborgarsvæðinu í þágu rannsóknar hennar á alvarlegum kynferðis- og ofbeldisbrotum.

Maðurinn er grunaður um að hafa brotið gegn tveimur konum í aðskildum málum á höfuðborgarsvæðinu um verslunarmannahelgina. Úrskurðurinn hefur verið kærður til Landsréttar.

Ekki er hægt að veita frekari upplýsingar að svo stöddu.“