West Ham hefur virkjað klásúlu í samningi Maxwel Cornet, kantmanns Burnley.
Cornet gekk í raðir Burnley fyrir ári síðan og átti flott tímabil. Liðið féll hins vegar úr ensku úrvalsdeildinni í vor og var nokkuð ljóst að Cornet myndi ekki taka slaginn með því í B-deild.
Klásúlan hljóðar upp á 17,5 milljónir punda og greiðir West Ham þá upphæð.
Cornet mun í kvöld ferðast til Lundúna og gangast undir læknisskoðun.
Burnley hóf leik í Championship-deildinni síðasta föstudag og vann 0-1 sigur. Cornet var ekki með í þeim leik.
Með Burnley leikur Jóhann Berg Guðmundsson.
