Eldgos hófst á í Merardölum á Reykjanesskaga klukkan 13:18 í dag, nánar tiltekið um 1,5 kílómetrum norður af Stóra-Hrút.
Einar Hjörleifsson, náttúruvársérfræðingur á Veðurstofu Íslands, sagði í samtali við DV fyrr í dag að of snemmt væri að svara því hvort um væri að ræða kraftmikið eða kraftlítið gos. „Það byrjar rólega og svo þurfum við að sjá hvernig það þróast.“
Almannavarnadeild ríkislögreglustjóra hefur nú birt myndir af gosinu en myndirnar eru afar flottar og sýna vel hvernig hraunið leggst til að byrja með.
Myndirnar má sjá í færslunni hér fyrir neðan:
