Bílaframleiðandinn Audi hefur stutt við bakið á Real Madrid í 19 ár en fyrst var skrifað undir samning árið 2003.

Samningur spænska stórliðsins við Audi rennur út þann 30. júní og er búið að taka ákvörðun um að framlengja hann ekki.

Samkvæmt spænskum miðlum er annar bílaframleiðandi í viðræðum við Real eða BMW og mun líklega taka við af Audi.

Bæði fyrirtækin koma frá Þýskalandi en samkvæmt Marca er BMW tilbúið að gera Real boð sem Audi er ekki reiðubúið að gera.

Í sömu frétt kemur fram að Real muni greina frá samningum í næstu viku og verður BMW þar kynnt til leiks.

BMW mun því taka við af Audi í að senda leikmönnum Real bifreiðar og mun merki fyrirtækisins sjást mikið á undirbúningstímabili spænsku risanna.