Jóhann Berg Guðmundsson er mættur til æfinga hjá Burnley en liðið féll úr ensku úrvalsdeildinni í vor.
Vincent Kompany er tekinn við sem knattspyrnustjóri Burnley og hefur haldið sinn fyrsta fund með leikmönnum.
Kompany átti frábæran feril á Englandi með Manchester City sem leikmaður en hefur síðustu tvö ár verið þjálfari Anderlecht í Belgíu.
Burnley birti mynd af fundi Kompany með leikmönnum í dag þar sem sjá mátti Jóhann Berg í fremstu röð.
Jóhann á ár eftir af samningi sínum við Burnley en hann missti af endaspretti síðasta tímabils vegna meiðsla.
🤝 Kompany meets the team pic.twitter.com/kDlYbIza4c
— Burnley FC (@BurnleyOfficial) June 21, 2022
