fbpx
Fimmtudagur 16.október 2025
Fréttir

Biskup tók séra Davíð á teppið – „Harkaleg og ósmekkleg skrif“

Erla Dóra Magnúsdóttir
Miðvikudaginn 25. maí 2022 11:34

Ekki missa af Helstu tíðindum dagsins í pósthólfið þitt

Lesa nánar

Biskup Íslands, Agnes M. Sigurðardóttir, hefur veitt séra Davíð Þór Jónssyni formlegt tiltal vegna skrifa hans á Facebook í gær. Þetta kemur fram í yfirlýsingu hennar og eru skrif Davíðs þar kölluð „harkaleg og ósmekkleg“.

„Biskup Ísland hefur gagnrýnt áform íslenskra yfirvalda um fyrirhugaðar fjöldabrottvísanir hælisleitenda sem fest hafa rætur hér á landi.

Prestum þjóðkirkjunnar ber að haga málflutningi sínum málefnalega og meiða ekki með orðum. Í ljósi þessa hefur biskup Ísland veitt sr. Davíð Þór Jónssyni formlegt tiltal fyrir þau harkalegu og ósmekklegu skrif sem hann viðhafði á facebook-vettvangi sínum 24. maí sl. Málinu telst lokið af hálfu biskups.

Eftir stendur sem meira máli skiptir ákall biskups Íslands um mannúð og mildi þegar kemur að málefnum hælisleitenda.“

Agnes lýsti því yfir í samtali við mbl.is í gær að ummæli Davíðs, um að flokksmenn Vinstri grænna eigi vísa vist í helvíti, stangist á við siðareglur presta. Hún sagði í samtali við Vísi í dag að málið sé litið mjög alvarlegum augum af Þjóðkirkjunni og hefi Davíð brotið siðareglur muni hann fá tiltal.

Davíð Þór fór hörðum orðum um Vinstri Græn í gær. Kallaði hann meðal annars ríkisstjórnina „fasistastjórn VG“ og sagði þau hafa ákveðið að „míga á“ barnasáttmála sameinuðu þjóðanna sem þau hafi logið því að hafa lögfest. Færslan var skrifuð vegna aðgerðarleysis stjórnvalda gagnvart fjöldabrottvísunum sem standa til á næstunni þar sem börnum verði vísað úr landi yfir í mun verri aðstæður á Grikklandi.

„Þinglið og ráðherrar VG eru ekki lengur bara meðsek um glæpi þessarar ríkisstjórnar gegn mannúð og góðu siðferði, þau eru einfaldlega sek eins og syndin. Það er sérstakur staður í helvíti fyrir fólk sem selur sál sína fyrir völd og vegtyllur.“

Sjá einnig: Björn Ingi skammar Davíð fyrir að hjóla í fyrrverandi sambýliskonu sína – „Presturinn sjálfur! Ömurlegt“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 8 klukkutímum

Stofnuðu Viðreisn á Vestfjörðum – Hugur í fundarfólki á Dokkunni í gær

Stofnuðu Viðreisn á Vestfjörðum – Hugur í fundarfólki á Dokkunni í gær
Fréttir
Fyrir 8 klukkutímum

Verðlaunagræja frumsýnd á Íslandi

Verðlaunagræja frumsýnd á Íslandi
Fréttir
Fyrir 10 klukkutímum

Guðni: Framsóknarflokkurinn á heljarþröm – „Aldrei staðið jafn vopnlaus og illa á sig kominn“

Guðni: Framsóknarflokkurinn á heljarþröm – „Aldrei staðið jafn vopnlaus og illa á sig kominn“
Fréttir
Fyrir 21 klukkutímum

Dómur fallinn í stóra skiltamáli Ormsson – „Böl verður ekki bætt með því að benda á eitthvað annað“

Dómur fallinn í stóra skiltamáli Ormsson – „Böl verður ekki bætt með því að benda á eitthvað annað“
Fréttir
Í gær

Steinþór vill breytingar á fánalögunum: „Ég mun senda tölvupóst til allra 63 þingmanna Alþingis”

Steinþór vill breytingar á fánalögunum: „Ég mun senda tölvupóst til allra 63 þingmanna Alþingis”
Fréttir
Í gær

Kristján missti föður sinn 15 ára og grét ekki við jarðarför hans – „Það er engin handbók við áföllum“

Kristján missti föður sinn 15 ára og grét ekki við jarðarför hans – „Það er engin handbók við áföllum“