Skipstjóri skipsins tilkynnti því áhöfninni að allt að 260 sjóliðar verði sendir heim. ABC News skýrir frá þessu.
Síðasta árið hafa sjö úr áhöfninni látist. Þar af tóku fjórir líklega eigið líf. Talsmaður flotans sagði ABC News að andlát tveggja tengist heilsufari þeirra, eitt andlát hafi ekki verið skýrt, eitt sjálfsvíg hafi verið staðfest og líklegt sé talið að þrír til viðbótar hafi framið sjálfsvíg.
Fjögur dauðsfallanna áttu sér stað á síðasta ári en þrjú síðustu í apríl á þessu ári.
Áður höfðu margir úr áhöfninni skýrt frá „skelfilegum vinnuaðstæðum“ um borð og því hafa yfirmenn sjóhersins nú gripið til aðgerða. Í því felst meðal annars að allt að 260 sjóliðar verða sendir heim og verða þeir aðstoðaðir við að koma sér fyrir á nýjum stað en þeir eiga ekki afturkvæmt á skipið. Flotinn ætlar einnig að leggja meiri áherslu á að gæta að andlegri líðan áhafnarinnar.
