fbpx
Laugardagur 30.ágúst 2025
Eyjan

Hollenskur háskóli hættir að taka við kínverskum fjárframlögum – Hafa áhyggjur af óhlutdrægni

Kristján Kristjánsson
Laugardaginn 29. janúar 2022 16:30

Malasíubúar mótmæla slæmri meðferð Kínverja á Úígúrum. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Vrije háskólinn í Hollandi hefur ákveðið að hætta að taka við fjárframlögum frá Kína og ætlar að skila 250.000 evrum sem hann fékk í styrk á síðasta ári til reksturs mannréttindamiðstöðvar. Ástæðan er að hægt er að efast um að háskólinn geti gætt að hlutleysi sínu þegar hann þiggur fjárframlög frá Kína.

The Guardian skýrir frá þessu. Fram kemur að Cross Cultural Human Rights Center (CCHRC) við háskólann hafi fengið árleg framlög á bilinu 250.000 til 300.000 evrur frá Southwest University of Political Science and Law í Chongqing í Kína síðustu árin.

Rannsókn hollensku fréttastofunnar NOS leiddi nýlega í ljós að  CCHRC hafi meðal annars notað styrkinn til að fjármagna útgáfu fréttabréfs, skipuleggja ráðstefnur og til reksturs vefsíðu en þar hafa verið birtar nokkrar færslur þar sem gagnrýni Vesturlanda á mannréttindabrot í Kína er hafnað.

Til dæmis var birt grein á vefsíðunni í október 2020 þar sem fram kom að háskólafólk tengt CCHRC hefði nýlega heimsótt fjórar borgir í Xinjiang héraði og komist að þeirri niðurstöðu að „Úígúrum eða öðrum minnihlutahópum væri ekki mismunað í héraðinu“.

Einnig var haft eftir Tom Zwart, prófessor í mannréttindum við háskólann í Utrecht og forseta CCHRC, í samtali við kínverska ríkissjónvarpsstöð að líta verði á mannréttindi í Kína „í samhengi við innlendar aðstæður, ekki sé hægt að herma eftir Vesturlöndum“.

Petar Peverelli, sem tengist CCHRC, hefur sagt að fréttir um að Úígúrum sé haldið í þrælkunarbúðum séu ekkert annað en „orðrómur“ og að það sé í tísku að gagnrýna Kína.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Thomas Möller skrifar: Er Ísland fimm stjörnu land?

Thomas Möller skrifar: Er Ísland fimm stjörnu land?
Eyjan
Fyrir 4 dögum

Hótel Saga: Hver ber ábyrgð á óráðsíunni?

Hótel Saga: Hver ber ábyrgð á óráðsíunni?
Eyjan
Fyrir 6 dögum

Hraðinn og nálægðin við viðskiptavininn er það sem heillar við smásöluna

Hraðinn og nálægðin við viðskiptavininn er það sem heillar við smásöluna
EyjanFastir pennar
Fyrir 6 dögum

Björn Jón skrifar: Sukkið vestur á Melum

Björn Jón skrifar: Sukkið vestur á Melum
EyjanFastir pennar
Fyrir 1 viku

Nína Richter skrifar: Strætófólkið og spandex-rassarnir

Nína Richter skrifar: Strætófólkið og spandex-rassarnir
Eyjan
Fyrir 1 viku

Gréta María Grétarsdóttir, framkvæmdastjóri Prís: Ætlum að opna fleiri verslanir

Gréta María Grétarsdóttir, framkvæmdastjóri Prís: Ætlum að opna fleiri verslanir