Það er endanlega komið á hreint að Ísland fer ekki á HM 2022 í Katar eftir stórsigur Norður-Makedóníu á Armenum í okkar riðli í kvöld. Fjórum leikjum er nýlokið í undankeppninni.
Aserbaídjan 1-3 Lúxemborg
Aserar voru manni færri frá 21. mínútu þegar Tellur Mutallimov fékk rautt spjald. Gerson Rodigues og Sebastien Till komu gestunum í 0-2 með mörkum í seinni hálfleik. Azar Salahli minnkaði muninn en Rodrigues innsliglaði 1-3 sigur með sínu öðru marki.
Georgía 2-0 Svíþjóð
Georgía vann óvæntan 2-0 sigur á Svíþjóð. Khvicha Kvaratskhelia skoraði bæði mörkin í seinni hálfleik.
Rússland 6-0 Kýpur
Aleksandr Erokhin skoraði tvö mörk. Hin fjögur gerðu þeir Fedor Smolov, Andrey Mostovoy, Alex Sutormin og Anton Zabolotnyi.
Armenía 0-5 Norður-Makedónía
Enis Bardhi skoraði þrennu fyrir Norður-Makedóna. Aleksandar Trajkovski og Milan Ristovski gerðu hin mörkin.
