Shannon Marie O‘Connor, frá Los Gatos í Kaliforníu, sá um að skipuleggja þessi samkvæmi sem sonur hennar tók þátt í. Nú hefur hún verið ákærð fyrir athæfið, meðal annars fyrir að hvetja ungmenni til að stunda kynlíf á meðan hún fylgdist með.
People skýrir frá þessu. Í ákærunni kemur fram að hún sé ákærð fyrir grófa misnotkun á börnum, kynferðisofbeldi og fyrir að hafa útvegað ólögráða ungmennum áfengi í samkvæmunum.
Shannon hvatti ungmennin til að halda samkvæmunum og því sem þar fór fram leyndu fyrir foreldrum þeirra, jafnvel þegar eitt ungmennið leið út af ofan í eigin ælu í einu samkvæminu.
Sumir þeirra sem sóttu samkvæmin hafa skýrt frá því hvað gerðist þar. Einn sagði að Shannon, sem er 47 ára, hafi haldið nýárspartý ásamt fimm 14 ára unglingum. Þar hafi hún horft á og hlegið þegar ölvaður unglingur nauðgaði ungri konu. Í eitt sinn fór hún með ölvaðan unglingspilt inn í herbergi þar sem ung stúlka, sem var undir áhrifum, lá í rúminu. Hún var 14 ára og nauðgaði pilturinn henni. Fórnarlambið spurði Shannon síðan: „Af hverju skildir þú mig eftir hjá honum? Af hverju? Þú vissir hvað hann myndi gera mér.“
Shannon sendi ungmennum boð í samkvæmin í gegnum Snapchat eða með smáskilaboðum. Í þeim hvatti hún þau til að koma heim til sín um miðja nótt til að drekka áfengi.
Shannon býr nú í Idaho en verður framseld til Kaliforníu þar sem réttarhöldin fara fram. Hún er einnig ákærð fyrir að hafa svikið 120.000 dollara út á greiðslukort fyrrum vinnuveitanda síns.
