Þórdís Kolbrún Reykfjörð Gylfadóttir er ekki lengur nafnlengsti þingmaður Íslands, en titlinum stal Arndís Anna Kristínardóttir Gunnarsdóttir, sem kom fersk inn fyrir Pírata eftir síðustu kosningar.
Ítarlega samantekt á nafnlengd þingmanna er að finna í hópnum en meðlimir hópsins hafa það að áhugamáli, að finna óáhugaverðar staðreyndir úr heimi stjórnmála og deila með öðrum meðlimum hópsins.
Um 1.800 manns tilheyra hópnum.
Samkvæmt þessari sömu samantekt bera Píratar og Viðreisnarmenn lengstu nöfnin að meðaltali, eða 25 stafi. Þá kemur Framsókn næst með 24.
Næstu sæti eru sem hér segir, og er birt með góðfúslegu leyfi höfundar.
Arndís Anna Kristínardóttir Gunnarsdóttir: 41
Þórdís Kolbrún Reykfjörð Gylfadóttir: 36
Þorbjörg Sigríður Gunnlaugsdóttir: 33
Lilja Rannveig Sigurgeirsdóttir: 31
Þorgerður Katrín Gunnarsdóttir: 30
Áslaug Arna Sigurbjörnsdóttir: 29
Hafdís Hrönn Hafsteinsdóttir: 28
Sigmundur Davíð Gunnlaugsson: 28
Athygli er þó vakin, í umræður undir færslunni, að Arndís kennir sig við báða foreldra. Færi Þórdís Kolbrún þá leið er engin vafi á því að hún myndi sópa verðlaunasætinu aftur til sín.
Þá má jafnframt nefna að fáir ættu roð í Þórdísi í keppni um lengst nafn og titil, en Þórdís Kolbrún heitir Þórdís Kolbrún Reykfjörð Gylfadóttir og er Ferðamála-, iðnaðar- og nýsköpunarráðherra. Samtals eru það 79 stafir.
