Það sauð upp úr í gærkvöldi er England og Ungverjaland mættust í undankeppni HM í Katar 2022. Í upphafi leiks brutust út óeirðir, lögreglan þurfti að skerast í leikinn og reyna róa æsta stuðningsmenn Ungverjalands.
Alþjóða knattspyrnusambandið (FIFA) hefur sent frá sér tilkynningu um atburðarrásina í gærkvöldi og sambandið fordæmir harðlega það sem átti sér stað á Wembley.
Þetta er ekki í fyrsta skipti sem slíkt leiðindamál kemur upp í leik Englands og Ungverjalands en í fyrri leik liðanna sem fram fór í Ungverjalandi. Rasísk skilaboð voru þá hrópuð, ætluð leikmönnum enska landsliðsins, blysum og öðrum hlutum var einnig kastað inn á völlinn.
Hegðun stuðningsmanna Ungverjalands í þeim leik varð til þess að Ungverjaland þarf að spila næstu þrjá heimaleiki sína fyrir luktum dyrum. Forvitnilegt verður að sjá hvaða ákvörðun FIFA tekur varðandi leik gærkvöldsins.
Leiknum lauk með 1-1 jafntefli. Roland Sallai kom Ungverjum yfir með marki úr vítaspyrnu á 24. mínútu en varnarmaðurinn John Stones tryggði Englendingum eitt stig með marki á 37. mínútu.
WC Qualification. 12.10.2021
England – Hungary.Hungarian and Polish fans vs. police. pic.twitter.com/6kyOoc4x5A
— HooligansTV (@HooligansTV_eu) October 12, 2021
