Richard William Cove var á dögunum dæmdur í 16 vikna skilorðsbundið fangelsi og til þess að greiða NHS (National Health Service) í Bretlandi tvö þúsund pund. Daily Mail greinir frá.

Richard er þó enginn venjulegur glæpamaður en honum var gefið að sök að hafa hringt hvorki meira né minna en 1.263 sinnum í hjálparlínu NHS til að fá starfsmenn til að tala um fætur sína.

Hann þóttist vera gömul kona sem upplifði einhvern fótapirring og vildi endilega fá nákvæmar lýsingar á fótum þess sem svaraði í símann. Talið er að Richard hafi upplifað eitthvað kynferðislegt við símtölin en þau voru tæplega fjögur á dag.

Starfsmenn uppgötvuðu þetta þegar þeim fór að berast símtöl frá manneskju með sömu röddina nokkrum sinnum á dag. Þær lögðu tvo og tvo saman og áttuðu sig á því hvað var að gerast.

Símtölin kostuðu skattgreiðendur yfir 20 þúsund pund og því tók lögreglan þessu mjög alvarlega.