Andrés Þorsteinn Sigurðsson hefur sagt starfi sínu sem yfirhafsögumaður Vestmannaeyjahafnar lausu. Hann ætlar sér taka við samskonar starfi annars staðar. Ástæðan er einelti sem hann vill meina að Íris Róbertsdóttir, bæjarstjóri Vestmannaeyjabæjar, hafi beitt hann. Frá þessu greina Eyjafréttir.
Andrés staðfesti innihald fréttar Eyjafréttar í samtali við DV, en vildi ekki tjá sig frekar um málið að svo stöddu.
Andrés sakaði Írisi um einelti í uppsagnarbréfi sínu til Framkvæmda- og hafnarráðs. Þetta meinta einelti varðar útilokun, upplýsingaskort og óréttmæta gagnrýni í garð Andrésar.
Fram kemur að Andrés hafi starfað hjá höfninni í 15 ár en áður hafi hann verið skipstjóri. Hann hafi verið óhræddur við að tjá sig um samfélagsleg mál Vestmannaeyja, einkum samgöngumál sem vörðuðu meðal annars skipasiglingar með Herjólfi.
Ekki náðist í Írisi Róbertsdóttur við vinnslu þessarar fréttar.
