„Hvað liggur að baki að birta svona auglýsingu á Instagram hjá fyrirtæki sem er með 478 k fylgjendur og hver er tilgangurinn?“ spyr meðlimur í Facebook-hópnum Markaðsnördar þar sem hann deilir meðfylgjandi auglýsingu frá íslensku ferðaþjónustufyrirtæki, Iceland Explore. Í auglýsingunni er gefið í skyn að Ísland sé einskonar nektarparadís, í það minnsta að nekt þyki í hæsta máta eðlileg á Íslandi. Líklega kannast fáir við að Íslendingar séu almennt frjálslyndari gagnvart nekt en aðrar þjóðir.

Í auglýsingunni er notast við myndefni frá „Free the Nipple“ brjóstabyltingunni sem hér varð fyrir nokkrum árum.

Einhverjir gætu túlkað auglýsinguna sem tilraun til að laða ferðamenn til Íslands á þeim forsendum að hér sé meiri nekt en annars staðar. Við það munu fáir kannast þó að fólk sé vissulega nakið í sturtunum í sundlaugunum.