Manchester City hefur spilað afar vel í ár. Liðið er efst í ensku úrvalsdeildinni, búið að tryggja sér Carabao bikarinn á Englandi ásamt því að vera í undanúrslitum Meistaradeildar Evrópu. Eitthvað vantaði upp á hjá félaginu í fyrra en Pep hefur greinilega náð því besta úr öllum leikmönnum liðsins í ár og hefur liðið oft á tíðum verið óstöðvandi.
Það hefur vakið mikla athygli á samfélagsmiðlum hve jafnt markaskorunin hefur dreifst hjá liðinu. Sex leikmenn hafa skorað yfir tíu mörk í ár en það eru Gundogan, Foden, Jesus, Sterling, Mahrez og Torres. Þá er Kevin De Bruyne kominn með níu mörk og gæti vel orðið sjöundi leikmaðurinn í liðinu til að skora yfir tíu mörk.
Það er enginn einn sem hefur staðið upp úr hjá City í vetur og margir staðið sig vel, eins og þessi dreifing á markaskorun sýnir. Er þetta lykillinn að árangri Manchester City í ár?
Six Man City players have scored 10+ goals this season and it might be seven soon:
◉ Gündoğan
◉ Foden
◉ G. Jesus
◉ Sterling
◉ Mahrez
◉ F. Torres
◎ De Bruyne (9)No other Premier League team has more than four. 😳
— Squawka Football (@Squawka) May 4, 2021
