Leikmenn Manchester United voru hreinlega hræddir þegar þeir mættu á æfingu í gær, þeir telja að öryggisgæslan á æfingasvæði félagsins hafi ekki verið nógu öflug. Daily Mail fjallar um.

Stuðningsmenn Manchester United söfnuðust saman við æfingasvæði félagsins í gær til að mótmæla Glazer fjölskyldunni sem á klúbbinn. Ole Gunnar Solskjaer þurfti á endanum að koma út og róa mannskapinn niður.

Leikmennirnir telja að stuðningsmenn sem og aðrir eigi ekki að geta brotið sér leið inn á æfingasvæðið.

Amerísku eigendurnir eru taldir hafa verið arkitektar Ofurdeildarinnar sem tilkynnt var á sunnudag. Ensku klúbbarnir staðfestu allir brottför sína úr deildinni á þriðjudag eftir vaxandi neikvæða umræðu frá sjónvarpsstöðvum, aðdáendum og ríkisstjórn Bretlands.

Stuðningsmennirnir brutu sér leið inn á svæðið og stóðu við innganginn, þangað komu Solskjær, Nemanja Matic, Michael Carrick og Darren Fletcher og ræddu við þá.