Ung kona leitar ráða til Dear Deidre, kynlífs- og sambandsráðgjafa The Sun. Hún segir að kynlíf hennar og kærasta hennar sé skelfilegt því kærasti hennar er klámfíkill.

„Hann eyðir mörgum klukkutímum að horfa á klámmyndbönd, spjalla við „cam girls“ og skoða vændissíður,“ segir konan. Hún er 25 ára og hann er 27 ára.

„Þegar við byrjuðum saman sagðist hann hafa horft á klám með fyrrverandi og þau hafi apað eftir sumum atriðum. Til að byrja með samþykkti ég að gera þetta þar sem ég vildi gera hann hamingjusaman.“

Konan skoðaði netsögu hans (e. internet history) og komst að því að kærasti hennar horfir á klám á nokkurra klukkustunda fresti.

„Ef við reynum að stunda kynlíf þá er það mjög erfitt fyrir hann því hann hefur eytt öllum deginum að vera graður í einhverja ókunnuga.“

Deidre svarar konunni og segir að kærasti hennar getur leitað sér hjálpar vegna fíknar sinnar.

„Fleiri og fleiri, sérstaklega karlmenn, eru að verða háðir klámi því það er svo auðvelt að nálgast það. Það er gert til að vera ávanabindandi. Eins lengi og hann er með þessa fíkn þá verður samband ykkar erfitt,“ segir Deidre.