Maður sem fluttur var á slysadeild eftir að hafa fallið af reiðhjóli í Breiðholti um nýliðna helgi lést á Landspítalanum í gær. Þetta kemur fram í tilkynningu frá Lögreglunni á höfuðborgarsvæðinu.
Segir þar að maðurinn hafi verið á sjötugsaldri og fallið af reiðhjóli sínu í Seljahverfi Breiðholts á laugardaginn. Hann var fluttur á slysadeild sem áður sagði þar sem hann svo lést í gær. Segir jafnframt í tilkynningunni að Rannsóknarnefnd samgönguslysa rannsaki nú tildrög slyssins.
Ekki er hægt að greina frá nafni mannsins að svo stöddu.