Jarðskjálfti, af stærðinni 6,2, reið yfir indónesísku eyjuna Sulawesi í síðdegis í gær að íslenskum tíma, miðnætti að staðartíma. Staðfest hefur verið að sjö hafa fundist látnir. Upptök skjálftans voru um sex kílómetra norðan við bæinn Majene. Margir sterkir eftirskjálftar hafa fylgt.

Reuters segir að allt að 650 hafi slasast í skjálftanum. rúmlega 300 hús eyðilögðust í Mamuju, þar á meðal sjúkrahús, herstöð og hótel. Margir sjúklingar og starfsmenn eru grafnir í rústum sjúkrahússins og er unnið að björgun.

Yfirvöld segjast enn vera að reyna að fá yfirsýn yfir umfang tjónsins en tilkynnt hefur verið um fjölda fólks sem er grafið í húsarústum.

Bandaríska jarðfræðistofnunin USGS segir að upptök skjálftans hafi verið á 18 km dýpi.