Brúður segist hafa verið með titrara, sem eiginmaður hennar stjórnaði, á brúðkaupsdaginn og hún hafi nánast fengið fullnægingu á dansgólfinu. Body and Soul greinir frá.
Athöfnin fór fram í Bandaríkjunum en brúðhjónin héldu veisluna sjálfa í Ástralíu í faðmi fjölskyldu og vina.
Þau ákváðu að krydda aðeins upp á tilveruna í seinni brúðkaupsveislunni og stakk eiginmaðurinn upp á því að hún myndi vera með titrara innanklæða, sem aðeins þau tvö myndu hafa vitneskju um.
Brúðurin samþykkti, þó hún teldi eiginmann sinn vera að grínast. En nokkrum dögum fyrir veisluna keypti eiginmaðurinn titrara sem hann gat stjórnað úr snjallsíma sínum.
Þau prófuðu titrarann fyrst heima til að vera viss um að hann væri hljóðlátur.
Í veislunni þóttist maðurinn vera að „skoða skilaboð eða taka myndir“ en hann var í rauninni að stjórna titraranum.
„Þetta var besta ákvörðunin sem ég tók varðandi brúðkaupsdaginn okkar, fyrir utan auðvitað að giftast eiginmanni mínum,“ segir hún.
Brúðurin hélt að eiginmaður hennar væri búinn að gleyma kynlífstækinu, þar til kom að ræðuhöldunum.
Hún stóð upp, ætlaði að halda stutta ræðu, en einmitt þá greip eiginmaðurinn tækifærið.
„Fyrst var þetta dauft, nóg svo ég gæti fundið fyrir því og ruglaðist á nokkrum orðum, en ekki svo mikið að ég gæti ekki haldið áfram,“ segir hún.
En þegar nálgaðist lok ræðunnar jók nýbakaður eiginmaður hennar kraftinn. „Þá átti ég mjög erfitt með mig og gat ekki staðið kyrr, ég leit út fyrir að þurfa á klósettið.“
Svona var þetta alla veisluna, eiginmaðurinn kveikti á titraranum af og til og í eitt skipti segist brúðurin nánast hafa fengið fullnægingu á miðju dansgólfinu, umkringd fjölskyldu og vinum. Hún segir að þetta hafi verið „besti forleikur lífs míns.“