Fjórtán greindust með kórónuveiruna innanlands í gær en þrettán af þeim fjórtán sem greindust voru í sóttkví við greiningu. Þetta kom fram á upplýsingafundi Almannavarna rétt í þessu.
Samtals hafa því 5.448 manns greinst með kórónaveiruna á Íslandi frá því að faraldurinn hófst. Fjórir greindust á landamærum – einn með virkt smit og er niðurstöðu mótefnamælingar beðið í tilvikum þriggja.
Harðar aðgerðir yfirvalda virðast vera farnar að bera árangur en smitum hefur fækkað síðustu daga.
38 eru nú á sjúkrahúsi vegna Covid-19 og þar af tveir á gjörgæslu. Í gær voru 39 á sjúkrahúsi, þar af tveir á gjörgæslu.
