Í síðasta tölublaði DV birtist frétt um eftirsóttar og einhleypar konur sem eru á lausu. DV hefur fengið veður af því að samfélagsmiðlar kvennana hafi logað í kjölfarið og stefni jafnvel í nokkur áhugaverð stefnumót eftir að sóttvarnartíð lýkur. Í kjölfarið spannst mikil umræða um góðar konur á lausu og þá kom í ljós að þó nokkrar eftirsóttar konur eru á lausu sem ekki voru nefndar í greininni.
Því er hér sjóðheit framhaldsfrétt í flokknum – heitar á lausu:
Sóla Káradóttir
Fyrrum fyrirsætan og fatahönnuðurinn Sólveig Káradóttir, dóttir Kára Stefánssonar er á lausu. Hún er ákaflega listræn og er með munninn fyrir neðan nefið eins og faðir hennar. Sóla eins og hún er kölluð æfði körfubolta á sínum yngri árum með Breiðablik, elskar Kaffibarinn og er fyrrum eiginkona Dhani Harrison, syni Bítilsins George Harrison. Sóla er einn stofnandi Galvan London sem er vinsælt tískumerki.
Sara Oddsdóttir
Sara er með mastersgráðu í lögfræði frá Háskólanum í Reykjavík nýverið. Hún starfar við andlega leiðsögn hjá Sólum. Hún sagði í nýlegu viðtali við mbl.is að hún skilgreindi sig sem stríðsmann ástarinnar eða love warrior. Hún berst fyrir sjálfsást, umburðarlyndi og því að fólk læri að setja heilbrigð mörk og segir að berskjöldun sé styrkleiki þótt margir haldi annað.
Kristín Ýr Gunnarsdóttir
Kristín starfar sem almannatengill hjá Aton.JL. Hún starfaði áður sem fréttakona hjá Sýn og þar áður ASÍ. Kristín er mikil útivistarkonar, elskar fjallahjól, hlaup og allskyns útivistarbrölt. Hún er einnig illa haldin af fréttablæti og þykir hrikalega fyndin. Hún er með vottorð upp á mótefni við Covid-19.
Helga Árnadóttir
Tískudrottningin Helga Árnadóttir oftast kennd við Vero Moda/Best Seller-veldið þykir eldklár í viðskiptum, fagurkeri með einsdæmum og vel tengd. Helga tilheyrir vinkonuhóp sem þykir ákaflega skemmtilegur og hláturmildur.
Tinna Jóhannsdóttir
Tinna starfar sem markaðsstjóri Smáralindar en þar áður var hún markaðsstjóri Nýsköpunarmiðstöðvar. Hún þykir brosmild með einsdæmum, harðdugleg og lekker. Tinna er með gráðu í viðskiptafræði með áherslu á markaðssamskipti frá Háskólanum á Bifröst og diplomagráðu í mannauðsstjórnun frá Endurmenntun Háskóla Íslands og MBA gráðu. Eldklár og æðisleg.
Lilja Ingvarsdóttir
Einkaþjálfarinn og fitness-drottningin Lilja Ingvadóttir kallar ekki allt ömmu sína. Hún hefur skafið af sér tugi kílóa og þykir grjóthörð í ræktinni en hún er þjálfari í World Class. Lilja er menntaður snyrtifræðingur og heldur úti síðunni liljaingva.is þar sem hægt er að bóka hjá henni tíma í einka- og/eða fjarþjálfun.
https://www.instagram.com/p/CDUfHPXAKXS/?utm_source=ig_web_copy_link
