Fjórum leikjum er lokið af sex í Lengjudeild karla í dag. Keflavík sigraði Eyjamenn og styrkti þar með stöðu sína á toppi deildarinnar.

Í Keflavík skoruðu heimamenn fyrsta mark leiksins á sjöundu mínútu. Þar var að verki Davíð Jóhannsson. Gary Martin jafnaði fyrir Eyjamenn á 41. mínútu og staðan því jöfn í hálfleik.

Keflavík komst yfir á 50. mínútu með marki frá Sindra Guðmundssyni. Frans Elvarsson jók mun heimamanna með marki úr vítaspyrnu á 64. mínútu og róðurinn orðinn þungur fyrir ÍBV. Fleiri urðu mörkin ekki. Eyjamenn eru í fimmta sæti með 30 stig og Keflavík í því fyrsta með 40 stig.

Á Akureyri tók Þór á móti Aftureldingu. Leiknum lauk með 1-1 jafntefli. Bæði mörkin komu úr vítaspyrnu. Á 81. mínútu skoraði Jason Daði Svanþórsson mark fyrir gestina. Alvaro Montejo var hetja Þórsara þegar hann skoraði úr vítaspyrnu á lokamínútu leiksins. Eftir leikinn situr Þór í sjötta sæti með 28 stig og Afturelding í því áttunda með 22 stig.

Vestri tók á móti Fram. Þórir Guðjónsson skoraði bæði mörk Fram í 1-2 sigri. Fyrra markið kom á 58. mínútu og það síðara á 72. mínútu. Nacho Gil minnkaði muninn fyrir Vestra með marki á 76. mínútu. Lengra komst Vestri ekki. Eftir leikinn er Fram í þriðja sæti með 39 stig, einu stigi á eftir toppliðinu og Vestri er í því sjöunda með 26 stig.

Grindvíkingar tóku á móti Víking frá Ólafsvík. Heimamenn höfðu betur 3-0. Þeir kláruðu leikinn á fyrstu 15 mínútunum. Fyrsta markið kom strax á fyrstu mínútu þegar Oddur Bjarnason setti boltann í netið. Sigurður Hallsson bætti við öðru marki fyrir Grindavík á 12. mínútu. Þriðja og síðasta mark leiksins kom á 15. mínútu þegar Guðmundur Magnússon skoraði fyrir heimamenn. Eftir leikinn er Grindavík í fjórða sæti með 32 stig og Víkingur Ó. í því níuna með 19 stig.

Tveir leikir í viðbót eru á dagskrá í kvöld. Leikni F. og Leikni R. eigast við og leiðir Leiknir R. með fimm mörkum gegn engu. Þróttur R. tekur á móti Magna og hófst sá leikur klukkan 18:00. Staðan er 0-1 Magna í vil.

Keflavík 3 – 1 ÍBV

1-0 Davíð Snær Jóhannsson (8′)
1-1 Gary John Martin (41′)
2-1 Ari Steinn Guðmundsson (51′)
3-1 Frans Elvarsson (64′)(Víti)

Þór 1 – 1 Afturelding

0-1 Jason Daði Svanþórsson (81′)(Víti)
1-1 Alvaro Montejo Calleja (90′)(Víti)

Vestri 1 – 2 Fram

0-1 Þórir Guðjónsson (59′)
0-2 Þórir Guðjónsson (73′)
1-2 Ignacio Gil Echevarria (76′)

Grindavík 3 – 0 Víkingur Ó.

1-0 Oddur Bjarnason (1′)
2-0 Sigurður Hallsson (12′)
3-0 Guðmundur Magnússon (15′)