Landsréttur féllst á það í dag með Héraðsdómi að Jóni Steinar Gunnlaugssyni, fyrrverandi hæstaréttardómara og Krístinu Pálsdóttur, eiginkonu hans skorti lögvarða hagsmuni af því að fá úrlausn um aðalkröfu sína í máli gegn Karli Axelssyni hæstaréttardómara, en þau höfðu kært úrskurð héraðsdóms í málinu.
Úrskurður héraðsdóms sem var kærður hefur semsagt verið felldur úr gildi og það hefur verið lagt fyrir héraðsdóm að taka hann til efnismeðferðar. Þá á Karl Axelsson að greiða sóknaraðilum 200.000 krónur í kærumálskostnað.
Í málinu kröfðust Jón Steinar Gunnlaugsson og Kristín Pétursdóttir þess „aðallega að viðurkenndur yrði óskertur umferðarréttur þeirra sem eigenda fasteignarinnar Urða í Landsveit um vegarslóða við vesturmörk aðliggjandi fasteignar, Hrauns, frá þjóðvegi og að lóðarmörkum Urða.“
Jón Steinar og Karl eignuðust umrætt land saman árið 2004, en þá stofnuðu þeir saman lögfræðistofuna Nestor. Í frétt Mbl.is frá því í fyrra er haft efir Jóni Steinari segir að framganga Karls sé með ólíkindum, þar sem að hann hafi verið eins konar lærifaðir Karls.
„Ég tók þennan dreng að mér sem nýútskrifaðan lögfræðing og gerði mann úr honum. Þetta er þakklætið sem ég fæ fyrir það. Það er alveg ótrúlegt hvernig menn hafa sem hafa álitið sér það í framavonum sínum að skapa einhverja afstöðu til mín, hvernig þeir haga sér. Þetta er eitt ljótasta dæmið um það vegna þess að ég er velgjörðamaður þessa manns eins og allir sem til þekkja vita.“
Til vara kröfðust þau Jón Steinar og Kristín „viðurkenningar á því að umferðarréttur þeirra sem eigenda fasteignarinnar Urða um sama vegarslóða tæki til nýtingar í þágu sex sumarhúsalóða á landi Urða.“
Varðandi varakröfuna vísaði Landsréttur til þess að „af stefnu málsins mætti með nægjanlega skýrum hætti ráða að sú krafa væri sett fram vegna ágreinings um það
hvort umferðarréttur JSG og KP næði til þeirra sex lóða sem þau hefðu gert tillögu um að stofnaðar yrðu úr landi Urða. Þótt krafan sjálf skírskotaði ekki til deiliskipulagstillögu þar um kæmi það ekki í veg fyrir að KA gæti tekið til efnislegra varna um kröfuna.“