Ástralska útvarpsstjarnan Jana Hocking segir fólk ljúga þegar það segist hafa hætt saman í góðu.  „Það er ekkert til sem kallast „friðsamleg sambandsslit,“ segir hún í pistli á News.au.

Jana hefur vakið mikla athygli fyrir skrif sín og taldi nýlega upp allar þær týpur af karlmönnum sem konur eiga að forðast.

Sjá einnig: Segir konum að forðast þessar týpur af karlmönnum

Jana heldur því fram að ef par segist hafa hætt saman á friðsamlegum nótum þá sé það að ljúga.

„Önnur manneskjan hefur alltaf einhverjar tilfinningar. Treystið mér, ég veit það. Mér hefur verið sagt upp jafn oft og ég hef sagt upp öðrum. Þú ert ekki 36 ára og einhleyp án þess að hafa áhugavert stefnumótalíf að baki,“ segir hún.

„Þegar ég heyri einhvern segja að samband hafi endað friðsamlega þá segi ég kjaftæði.“

https://www.instagram.com/p/CEYI-X1A0-Z/

Þetta þýðir samt sem áður ekki að fólk getur ekki hætt saman og verið vinsamlegt hvort við annað. „En hvernig ákveða tvær manneskjur á nákvæmlega sama tíma að þær vilja ekki vera lengur saman? Önnur þeirra þarf að vera komin með nóg af hinni á undan,“ segir hún.

„Í hvert skipti sem einhver segir mér frá friðsamlegum sambandsslitum hugsa ég að a) manneskjunni var sagt upp og hún vill ekki viðurkenna það, eða b) manneskjan var sú sem sagði hinni upp en hún vill ekki nudda salti í sárið.“

Jana viðurkennir að það kemur fyrir að pör átta sig á að sambandið sé búið, þau henta ekki hvort öðru eða eru bara komin með nóg. Hún notar samband sitt við þrjóskan bónda sem dæmisögu, þrátt fyrir að þau hefðu ekki passað saman grét hún í margar vikur og vonaðist eftir að hann myndi breytast. Hún segir að í öllum sambandsslitum endar alltaf einhver með því að sitja uppi með sárt ennið. „Önnur manneskjan er alltaf meira tilbúin en hin að láta reyna á sambandið,“ segir hún.

„Þannig næst þegar einhver segir þér að sambandsslitin voru friðsamleg þá skaltu spyrja meira út í það. Sannleikurinn mun koma í ljós fyrr en síðar, ég lofa. Af hverju? Því það er ekki til neitt sem heitir friðsamleg sambandsslit.“