Ástralska útvarpsstjarnan Jana Hocking segir konum að forðast tilteknar týpur karlmanna sem finnast á stefnumótasíðum. Meðal annars karlmenn sem segjast vera 178 cm eða láta taka af sér myndir á meðan þeir halda á dauðum fisk.
Í grein á News.au segir Jana að hún hafi upplifað ýmislegt á stefnumótaforritunum Tinder og Bumble og vilji nú miðla reynslunni sinni, öðrum víti til varnaðar.
Þetta eru karlmennirnir sem konur eiga að forðast að sögn Jönu.
„Í fyrsta sæti er gaurinn sem segist vera 178 cm en er í raun mun lægri,“ segir Jana.
„Hann veit að hann kemst ekki upp með að segjast vera yfir 180 cm en hann veit líka að það eru ekki margar konur sem „svæpa“ til hægri ef hann viðurkennir að hann er bara 172 cm.“
„Hann veit að ef hann viðurkennir að hann sé fimmtugur þá hafa færri konur áhuga á honum. Þannig karlmenn yfir fimmtugt segjast vera 45 ára til að komast á fleiri stefnumót,“ segir Jana og bætir við að hún tali af reynslu.
Hún fór á stefnumót með karlmanni sem hún kynntist á Tinder. Hann sagðist vera 45 ára, 182 cm og barnlaus. En þegar hún hitti hann þá reyndist hann „frekar lágvaxinn og viðurkenndi, eftir sterkt viskí, að hann væri 52 ára og ætti tvö börn.“
Samkvæmt Jönu er einfalt að koma auga á svokallaðan „alpha karlmann“. Þú gerir það með því að skoða myndirnar hans gaumgæfilega. Ef hann hefur deilt mynd af sér úr ræktinni eða heldur á „risastórum dauðum fisk“ þá ættirðu að „svæpa“ til vinstri.
„Alveg eins og hellismaðurinn sem reyndi að heilla konurnar með því að veiða skepnur, þá er þessi gaur að reyna að sýna hversu karlmannlegur hann er.“
https://www.instagram.com/p/CDhXlu3ghn5/
Jana mælir einnig með að forðast reiða gaurinn í ástarsorg og gaurinn sem segist vera frumkvöðull, því það þýðir að hann sé atvinnulaus að sögn Jönu.
Þú verður líka að skoða myndirnar hans og segir Jana að konur eigi að forðast bæði karlmenn sem deila aðeins sjálfsmyndum og aðeins hópmyndum.
„Ef þeir deila aðeins sjálfsmyndum þá getur verið að þeir líti ekki svona út í alvöru, eða eigi mikið félagslíf,“ segir hún. Ef hann deilir aðeins hópmyndum þá viltu ekki eyða of miklum tíma í að finna út hver hann er á myndinni. „Þú átt eftir að vona að hann sé þessi sæti, en hann er það ekki.“
Konur eiga einnig að forðast karlmenn sem deila myndum af sér með barni eða hvolp. „Þessir karlmenn eru í leit að sambandi,“ segir hún.
Að lokum hvetur hún konur til að forðast karlmenn sem eru alltaf með sömu konunni á mynd. „Það lítur kannski út fyrir að hann sé að reyna að sýna að hann sé mjög þroskaður og geti átt vinkonur. En þetta er par í leit að þriðja aðila í svefnherberginu,“ segir hún.
