Steinþór Hróar Steinþórsson, betur þekktur sem Steindi, virðist ætla sér að hlaupa heilt maraþon í Reykjavíkurmaraþoni Íslandsbanka, sem fram fer þann 22. ágúst.
Þetta kom fram í myndbandi sem Íslandsbanki birti á Facebbook-síðu sinni, en þar má sjá Steinda fara í læknisskoðun hjá Tómasi Guðbjartssyni, einnig þekktur sem lækna-Tómas.
Í myndbandinu gerir Tómas allskonar tilraunir á Steinda, sem dæmi á hjarta hans. Tómas segir að ástand Steinda betra en honum hafi grunað, þó að Steindi viðurkenni að hafa verið að drekka kvöldið áður.
Að lokum segir Tómas að Steindi sé í góðu standi, þó hann mæli með því að hann hlaupi bara tíu kílómetra. Steindi virðist ekki taka það í mál og segist ætla að fara maraþon.