Á þriðjudag var umfang eigna hans gert opinbert í fyrsta sinn. Eignir hins spænska milljarðamærings eru nú um 15,2 milljarðar evra, eða yfir 2000 milljarðar íslenskra króna. Á síðasta ári fjárfesti hinn 84 ára gamli milljarðamæringur í fasteignum fyrir 1,8 milljarða evra í gegnum fyrirtæki sitt, Pontegadea.
Pontegadea, sem fer með um 60% eignarhlut í móðurfyrirtæki Zöru, Inditex SA, sýndi á síðasta ári hagnað upp á 1,8 milljarða, eftir skatta.
Á síðustu árum hefur Ortega, sem er ríkasti maður Spánar, fjárfest víðar en í tískuiðnaðinum, til þess að geta haldið í eignir sínar.
Í Bandaríkjunum hefur hann fjárfest í bygginum í lóðum fyrir meira en 3 milljarða dollara. Meðal eigna hans er hin sögufræga Hauhwout bygging á Manhattan og hæsta skrifstofubygging í Miami. Á síðasta ári fjárfesti Amancio Ortega í hóteli í Chicago fyrir 72,5 milljarða dollara auk fjölmargra skrifstofubygginga í Washington og Seattle.
Pontegadea á fasteignir sem meðal annars eru leigðar tæknirisunum Amazon.com og Facebook, einnig leigja keppinautar Inditex, H&M og The Gap húsnæði af Pontegadea.
Samkvæmt fjármálamiðlinum Bloomberg eru eignir Amancio Ortega metnar á 8.111 milljarða króna, meirihluti þess eru eignarhlutur hans í Inditex.
Á þessu ári hafa eignir hans þó dregist saman um meira en fimmtung vegna kórónaveirunnar, en Inditex hefur neyðst til þess að loka fjölmörgum verslunum í kjölfar hennar. Hlutabréf fyrirtækisins hafa fallið um 22% í kjölfar veirunnar.
Auk fasteigna hefur Ortega fjárfest í orku- og fjarskiptafyrirtækjum, hann eignaðist meðal annars 55 hlut í Enagas á síðasta ári og 9,99% hlut í Telefonica SA árið 2018.