Það gengur ekkert hjá fyrrum vonarstjörnunni Yaya Sanogo sem var eitt sinn á mála hjá Arsenal.
Sanogo var keyptur til Arsenal af Arsene Wenger á sínum tíma og þótti mikið efni.
Sanogo er í dag 27 ára gamall en hann hefur undanfarin þrjú ár spilað með Toulouse í Frakklandi.
Þar tókst honum aðeins að skora 12 mörk á þremur árum og hefur nú verið látinn fara.
Sanogo spilaði 11 leiki fyrir Arsenal á fjórum árum en tókst ekki að skora mark fyrir félagið.
Framherjinn er því fáanlegur á frjálsri sölu.
