Dwight Yorke, fyrrum leikmaður Manchester United, hefur sent fyrrum liðsfélaga sínum, Roy Keane, pillu en hann starfar nú í sjónvarpi.
Keane er þekktur fyrir það að vera harðorður á skjánum og gagnrýndi nýlega David de Gea, markvörð United, og sagðist vera orðinn dauðþreyttur á hans frammistöðu.
Yorke þekkir Keane vel og minnir Írann á það að hann hafi ekki verið fullkominn leikmaður.
,,Ég spilaði með honum sem leikmaður og undir honum þegar hann var þjálfari. Ég þekki einstaklinginn,“ sagði Yorke við Mirror.
,,Þú verður bara taka þetta á kassann þegar hann segir hluti. Hann segir það sem hann vill. Sumir trúa því og aðrir ekki.“
,,Sumt sem hann segir á rétt á sér en það er kannski hvernig hann kemur því fram sem fer í taugarnar á fólki.“
,,Við gerum öll mistök. Hann var ekki fullkominn þegar hann spilaði. Hann gerði mistök og verður að taka skref til baka.“
,,Í lok dags þá gerði hann svipuð mistök. Með Keano, þú getur aðeins farið að hlæja þegar hann segir þessa hluti.“
,,Sem fyrrum leikmaður þá þarftu að passa hvað þú segir.“
