Íbúar í New Jersey í Bandaríkjunum eru harmi slegnir eftir hörmulegt slys í síðustu viku. Síðdegis á mánudeginum barst neyðarlínunni hringing frá nágranna fjölskyldu einnar en hann hafði heyrt öskur berast frá sundlaug í garði þeirra.

Þegar lögreglan kom á vettvang voru 8 stúlka, móðir hennar og afi meðvitundarlaus í lauginni. Þau voru úrskurðuð látin skömmu síðar að sögn CNN. Lögreglan skýrði síðar frá því að þau hefðu öll drukknað.

Þetta voru Bharat Patel, 62 ára, Nisha Patel 33 ára tengdadóttir hans og 8 ára dóttir hennar.

Fjölskyldan flutti í húsið 20 dögum fyrir slysið. Fjórði fjölskyldumeðlimurinn var í húsinu þegar slysið átti sér stað en lögreglan hefur ekki skýrt frá hver hann er.

„Þetta er mikið áfall fyrir allt samfélagið og við vinnum að því að komast að hvað gerðist nákvæmlega.“

Sagði Frank LoSacco, lögreglustjóri í East Brunswick.