Árni Björn Guðjónsson, fyrrum oddviti framboðs Kristilegrar stjórnmálahreyfingar, ætlar að bjóða sig fram til embættis forseta Íslands í næstu forsetakosningum.

Frans páfi. Árni mun leita til páfans verði hann kjörinn forseti Íslands.

Mynd: EPA

Þetta kemur fram á vef RÚV. Þar er haft eftir fréttatilkynningu frá Árna Birni þar sem hann segist ætla að sitja í tvö kjörtímabil, verði hann kjörinn til embættis.

Árni er 76 ára gamall og var áður oddviti framboðs Kristilegrar stjórnmálahreyfingar. En flokkur bauð fram í Reykjavík og Reykjaneskjördæmi í Alþingiskosningunum árið 1995. Flokkurinn fékk þá 0,2 prósent atkvæða eða alls 316 atkvæði.

Árni segir að verði hann kjörinn forseti Íslands muni hann leggja aðaláherslu á að eyða hatri á Íslandi og um allan heim. Hann segist ætla að leita liðsinnis páfans í Róm til að ná því markmiði.

Þess má geta að Ástþór Magnússon og Þorgrímur Þráinsson hafa einnig boðað framboð sitt til forseta Íslands.

Sjá einnig: Ástþór býður sig fram til forseta