Bjarni Benediktsson forsætisráðherra er sannfærður um að önnur bankakreppa muni ríða yfir. Segir hann í viðtali við bresku sjónvarpsstöðina Sky að það sé aðeins tímaspursmál þangað til kreppa sambærileg þeirri frá 2008 muni ríða yfir. Hann sagðist ekki treysta sér til þess að segja hvenær kreppan mun ríða yfir en að græðgi mannsins muni verða til þess:
Hvenær veit ég ekki. Mannfólk gerir mistök og græðgi mun verða til þess að fólk taki slæmar ákvarðanir. Það mun gerast aftur,
sagði Bjarni. Hann ræddi einnig um aðgerðir stjórnvalda gegn stjórnendum bankanna, Bjarni segir að það að fangelsa bankamenn hafi hjálpað til við að græða sár þjóðarinnar eftir hrun. Hann sagðist vera hissa á að önnur lönd, þar á meðal Bretland, hafi ekki fylgt fordæmi Íslendinga og fangelsað bankamenn:
Ég held að umheimurinn finni fyrir gremju yfir því að málin hafi ekki að minnsta kosti verið rannsökuð.
Sigurður: Spillt kerfi og lögum breytt afturvirkt
Sky ræddi einnig við Sigurð Einarsson fyrrverandi stjórnarformann Kaupþings og Jón Steinar Gunnlaugsson fyrrverandi hæstaréttardómara. Jón Steinar sagði að íslenskir bankamenn hefðu ekki fengið sanngjarna málsmeðferð. Sigurður, sem var dæmdur í 4 ára fangelsi í Al Thani-málinu með eins árs hegningarauka, segir að hann hafi ekki gert neitt rangt, kerfið sé spillt og að lögum hafi verið breytt afturvirkt:
Því miður hef ég glatað trú á íslenskt réttarkerfi og dómstóla. Ég hef verið dæmdur tvisvar án nokkurra minnstu sannana
