Fréttablaðið skýrir frá þessu í dag. Hefur blaðið eftir heimildamönnum að nær allar birgðir séu búnar hjá helstu birgjum. Stórkaupmenn, sem koma yfirleitt nokkur hundruð grömm í einu af innflytjendum og selji síðan í smásölu, eru sagðir koma að lokuðum dyrum þar sem þeir leita fyrir sér.
„Það er búið að grafa allar holur og það er allt búið.“
Hefur blaðið eftir einum viðmælanda.
Þeir birgjar sem enn eiga eitthvað af efninu eru sagðir vera í biðstöðu og vonast til að verðið hækki. Einnig hafa efni, sem eru lakari að gæðum, selst upp en lítið gekk að selja þau áður en landið lokaðist nær.
Ekki er eins áberandi skortur á amfetamíni og má kannski rekja það til að efnið hefur verið framleitt hér á landi að einhverju marki undanfarin ár.
Enginn skortur er á kannabisefnum en sáralítill innflutningur hefur verið á þeim á undanförnum árum því ræktun hér á landi annar eftirspurninni.
