„Kórónuveiran mun lenda á hinni frábæru borg okkar eins og stjórnlaus vöruflutningalest. Þetta eru hörmungar sem munu dynja á okkur ef við gerum ekki eitthvað strax.“
Sagði hann á fréttamannafundi í gær.
„Hvernig verndar þú stórborg með 8,6 milljónir íbúa og 70.000 heimilislausa, stórborg þar sem nánast allir búa, sofa og vinna ofan á hver öðrum? Það er bara ekki hægt. Það eru engir staðir sem er hægt að flýja til.“
Sagði útvarpsmaðurinn Howard Stein í gær en hann býr í New York.
Í gær höfðu um 60.000 íbúar í Bandaríkjunum greinst með COVID-19. Þar af býr tæplega helmingurinn í New York ríki og af þeim um 16.000 í New York borg.
Smittilfellum fjölgar mikið á degi hverjum. Um síðustu helgi tvöfaldaðist fjöldi greindra smita. Donald Trump, forseti, tísti þá stoltur að hann hefði útvegað New York 400 öndunarvélar. Þær koma auðvitað að gagni en duga engan veginn til að sögn Cuomo.
„Á næstu vikum þarf ríkið okkar á 30.000 öndunarvélum að halda. Nú vil ég gjarnan fá að vita hvaða sjúklingar eiga að fá að nota þessar 400 öndunarvélar og hvaða 29.600 kórónuveirusmitaðir eiga að deyja. Það verða ekki nægilega margar vélar fyrir alla.“
Sagði Cuomo. Um helgina sagði hann að faraldurinn myndi ná hámarki í ríkinu eftir tvær til þrjár vikur en í gær var hann enn svartsýnni en áður:
„Toppurinn verður enn hærri en við höfðum reiknað með. Bylgjan skellur mun fyrr á okkur en við áttum von á. Þetta geta orðið óyfirstíganlegar hörmungar.“
Sagði hann.
